Monday, July 24, 2006
戇鳩舅父 /1:25 PM
今日出去幫老婆搬屋!因為佢屋企唔夠紙箱,入唔晒d貨,所以我成
日都冇做過乜,成日都係幫過手切洋蔥咁!
不過老婆個舅父,真係好煩!成日都大聲夾冇準!講唔正野就係咁講
野!老婆講話想點整間屋,就係咁話:「吳撻!」(唔得!),呢樣又
話唔得,果樣又話唔得!屌!咁點撚樣先得呀契弟!而且間屋又唔係
你住!
原來響呢個年代,當一個長輩要專制響上黎,可以仲係咁專制!我真
係慶幸,唔住上一代,就年阿麻果代都咁開通!真好彩!唔怪得老婆
都話一去到我屋企,根本就冇壓力!
夜晚食完飯,真係好無聊,同老婆、佢姨甥仔玩真人接龍!佢地話你
愈耐先完結的話,就愈係黑仔!好明顯,我好黑!
呢句好快就應左!我落到旺角亞皆老街同彌敦道,近住豐澤果個燈位
,見到對面有架63X,一架25分鐘一班,搭左可以行少好多步的巴士
,竟然響彌敦道向太子方向行駛!我想立刻過對面追,但太多車!根
本過唔到!過到之後就一路向太子方向追!但人同車又點鬥快呢?於
是我跑到太子道西,就拿拿淋落地底,搭地鐵過美孚追!
最後去美孚,架63X岩岩埋站,要跑去先上到車!跑呀跑....岩岩好
跑到!上到車成個人好似潛完水咁!濕晒!!
是日金句:
「吳撻!」
( - 係你啦,戇鳩舅父!)Labels: I am who I am
0 had their say | have yours?
Sunday, July 23, 2006
生離死別 /1:24 PM
今日遞左紙上去d乜乜領養會,伸請養過隻狗。不過今次唔養咩靚狗
了!係一隻或者兩隻既唐狗baby!講真,雖然真係仲係好掛住奶咀!
但都覺間屋好似有點兒空洞,缺少了一隻狗,實在冇左種氣氛!所以
都伸左先!
下晝,同老豆入馬鞍山探阿麻。之後老婆都上埋去阿麻度探佢!阿麻
應該好返了!睇到佢咁樣,我自己都放心返好多!畢竟阿麻係一手一
腳湊大我的,始終有一定既感情!而老婆就入到大伯間屋,畀大伯d
珍藏搞到好頭暈!因為大伯間屋太多玉器同其他飾物!搞到老婆覺得
好眼花....
夜晚,又要出觀塘,搬返兩隻貓入屯門!又call左架貨van黎運呢d野
去屯門!老婆d貓咁大隻都未出過街!所以都好驚!所以一路都發出
一d好驚既聲音!老婆見到又喊!唉,心都up晒!
是日金句:
「嘩,我心諗,個天唔係要我咁就去下嘛!」
( - 阿麻講返上個禮拜腸胃炎果陣,係做左79年半人以黎最痛既一次!仲痛過生仔!所以有此諗法!)
「小姐,畀錢」
( - 一個巴士司機,行到紅橙位,離開個司機位,行到個冇畀機既乘客果度,灑脫的講)Labels: I am who I am
0 had their say | have yours?
Saturday, July 22, 2006
回歸係龍 /1:24 PM
好耐都冇踢過波了!今日終於回歸球場了!仲踢返今年水準以上的足
球!不過比最好,仲遠過行路上廣州既路程!其實心入面好了解自己
係不為,非不能也。頭果兩場有心踢的確係唔錯的!之後太熱,加上
「凳」親個大陣、塊腳甲甩左未出返黎既腳趾公又畀人踩親,所以都
放軟手腳黎踼!真係好想踢返日好好的波!不過先要增肥!而家同龜
頭比,距離愈拉愈遠了!當然都仲有我的價值!
夜晚,幫老婆搵地方,收留佢兩隻貓,因為佢要裝修,而佢家人都唔
准佢再養!唉!老婆點會康復呀!一個星期內,要歷盡生離死別!不
過好彩都搵到地方安置,唔係就真係慘慘慘慘...
是日金句:
「屌呀屌呀屌,唔通打你兩鎚咩!」
- (屎人幫我小另一隊既人,條友問關佢乜事,做乜搭爹,佢有咁既回應。成個球場都忍唔住笑)Labels: I Kiss Futbol
0 had their say | have yours?
Wednesday, July 19, 2006
Leave a Message. /1:23 PM
呢幾日唔得閒
奶咀去世
祖母入院
太多野搞
有時間再寫
唔好意思
大家唔駛擔心我Labels: I am who I am
0 had their say | have yours?
Saturday, July 15, 2006
Beach bit bitch /1:22 PM
屌!又落雨!我都係想踢波姐!
我想頂波,頂呀頂呀頂!又係得個諗字....唉!下星期啦!
今日冇得出去,鬼咁得閒,又上去鄒凱光呢個電影人既Blog睇下野!
其實真係好鍾意上佢個Blog,今日仲睇返晒佢寫過晒的所有野,上次
send畀童哥睇,佢冇乜回響,可能佢唔知Beachive果度,有得再揀日
子,搵返佢地之前寫的野吧!真係好推介,有時作為香港人,你會覺
得時間唔夠用,你會覺得生活節奏好趕急,你會覺得自己已經冇晒創
意,或者,海灘(鄒之花名)可以令你舒服一點!
Beach bit bitch夜晚,叫左龜頭、屎人、童哥過黎鋤dee!由十一點半一路玩到第二
朝六點鐘!後尾起身數過,打左成121鋪!其實大家都互有領先,亦
互有包艇之時!不過我最後都要輸80隻,頂!
是日金句:
冇,真係竟然冇!
Labels: 吹水唔抹咀
0 had their say | have yours?
Friday, July 14, 2006
再會Irene 老師 /1:19 PM
前日同Ms Amy食飯,得悉Ms Irene要走了,所以今日同河童兩件友,
返去搵佢聚下舊咁!講返好多往事之餘,都講左唔少未來的打算。又
講左我地d師弟同我地有乜唔同!原來永隆唔交功課文化,已經被大
致纖滅!(慘!我地d優質傳統冇晒!)同場而家d師弟都好十下十下,
唔同我地,唔識去打算咁!而家的就好依賴!不過老師就教得舒服d
咁!
一路傾,都傾左粒幾鐘,之後就同童哥篤波!嘩!今日打d超薄cut超
準,但經常Draw咀!(挑,咁咪即係唔準!)講係咁講,不過已經比平
時準左!可能呢排睇得多Pool吧!(不過我今日係玩Snooker的!)今日
比上星期少左set波,而大錯誤又冇幾多個!不過都要同童哥搶黑柴
!淨返最後一個黑柴時,我53:46領先,如果童哥入,就要爭至尊!
不過童哥今日手緊,互set左幾球後,都失左手,靚較袋口畀我打,
我當然唔同佢客氣!60-46搞掂左佢!先取下第一局!!
之後第二局,大家失誤都較多!我一開波就已經連扣8度,送左8度畀
童哥,但佢又失誤下,最後打到清台,淨返屎、藍、Pink、黑四個波
果陣,童哥50:42領先小弟,而小弟先打一個符碌Q,個屎波撞左三個
咕順之後先入,咁就追到50:46。之後再隨手入多個遠程薄cut藍波,
咁就返超前50:51啦!之後童哥仲要打Miss左!比數就去到我領先,
領先50:57!如果我入到個Pink,就唔需要打黑柴了!不過就畀佢打
入左,唯有又搶黑柴!去到最後一個波的時候,比數係56:57!只要
邊個搶到黑柴就贏啦!我仲要打左個Miss,童哥又領先返6度...比數
去到63:57!但係天係有眼的,我畀佢老強咁多次,今次終到我贏返
你條粉餅!!最後贏63:64!開心死!!
之後返屋企再出去還碟,返到去再同老豆傾下計咁,傾下咸契單野。
唔知老豆幫左咸契未呢?
是日金句:
「仆街丫!強姦我咁多次下嘛!今次仲唔撚到我!?」
( - 當我贏佢第二次之後,興奮的講!)
「叫個老細睇住自己個仔,咪即係同人講我個仔係條廢柴?」
( - 我老豆對我契爺同咸契舊老細講,要睇住佢個仔一事,發表意見)Labels: I am who I am, I Kiss Sports
0 had their say | have yours?
Thursday, July 13, 2006
阿婆跑步啦,老契! /1:17 PM
今日係老墨生日,刻意的去到2359先send,其實而家大部份fd都係咁
同佢地講架啦,不過老婆就唔敢,費事佢以為我唔記得佢生日啦!哈
哈!
不過講真,今日心情唔太靚!因為我最愛既籃球員老Ben (Ben Wallace)
要離開我最愛既籃球會了!唉!真係天下無不散之筵席!
夜晚,咸契打黎,同佢講佢份新工個老細好撐佢,但舊的又唔抵得,
響度搞屎棍!叫佢返去拎糧,去到又唔畀糧佢!仲要打電話畀佢老豆
,話佢冇義氣,又話「我應承過幫你老豆睇住你,就唔可以放你走」
,講真,舊的只係得四千幾多d,已經計左commition!但新的齋底薪
都六千啦!但佢老豆返到去又同佢老母一齊小佢!唉,真唔明白佢老
豆老母諗乜!話間新公司新開,容乜易執!屌!執左咪再黎過囉!佢
家下先十八歲,唔通打死一份工咩!講真,魚唔過塘都唔會肥,良禽
都識擇木而棲啦!回想返自己有一個咁開通的老豆,真係唔止三生,
直頭三十幾生都有幸啦!
是日金句:
其實本來有的,但唔記得左!哈哈哈!
Labels: 吹水唔抹咀
0 had their say | have yours?
Wednesday, July 12, 2006
嘻哈一日 /1:11 PM
今日係一個好高興的日子!首先同童哥,兩條友出左去,嘻嘻哈哈又
一個下晝!先去鴨寮街搗亂!去到係咁試d hand free,試完又話唔
愛了!哈哈!我就仲pk,拆散個包裝先話唔愛!趁佢忙就走啦當然!
之後過左旺角,睇左d波衫。國家隊波衫減價了,但我頂佢,又冇加
利仔!算!等曼聯出新波衫我買曼聯好過!今年係畢樹比爵士帶領曼
聯拎佢首次聯賽的冠軍50週年!而曼聯都會為呢件事推出復古版的球
衣,主場睇過,唔錯!但更想睇埋作客先買!
同童哥行完街之後,就約左一眾中七同學,同Ms Tsang飯一餐咁樣。
都冇乜新意了,大家都係傾下工作的事,只係得我講返學返學....其
實書就一早唔想讀,但我知道路我係冇行錯的,買張入場卷,的確係
需要咁!之後撞到容Sir,嘩!結婚後大左成個碼!串佢當然唔少得
的了!
之後同Miss兩個搭小巴返去,十一點鐘未夠就返到去了,真係幾乖仔
,哈哈哈哈!
是日金句:
「佢女朋友真係靚架,唔係講笑,真係幾靚!」
( - 陳靜響同學聚餐果陣,對我老婆有這樣的評價,又會中肯成咁的)
Labels: I am who I am
0 had their say | have yours?
Tuesday, July 11, 2006
我要150! /1:10 PM
今日帶左奶咀反去覆診,終於打到預防針了!希望佢真係可以逐步逐
步咁康復起黎!
出去之前,同零先生同靜儀呢對情侶傾左陣計!其實你地真係好鬼夾
的!!哈哈!搞到我更掛住老婆....老婆呢兩個星期去左西藏,要星
期日先返黎....咁我就唯有睇下書、睇下網頁咁!真係覺得Yahoo!的
那個冷知識幾正!你漫無目的咁上網,見到有野就睇,冇啦啦又識多
左好多野!
今日過磅,仍然係維持響130左右...天呀!點解你要咁對我呀!我點
會係食極都唔肥既果類人黎架...........我要上返150!我要踢好波
!唔制呀!
是日金句:
「丫!佢係戲既!」
( - 睇Bobby套劇果陣,我唔記得左其中一個女角之前做乜,諗左一陣講出黎)
「屌!廢話!」
( - 我阿妹即刻回應)
Labels: I am who I am
0 had their say | have yours?
Monday, July 10, 2006
Co-Dependency /1:09 PM
今日真係訓得好唔夠,但竟然會睇左成日書,奇怪哉!唔係怪在我睇
書,事實我根本就成日都睇!而係怪在我冇訓晏覺!
不過講開本書,係講「Co-Dependency」呢樣野,我本書叫佢做「拖
累症」,但睇睇下又想知港譯係點,因為我睇的係大陸版。就因為呢
個好奇心,我竟然用左一個鐘去搵有關呢個症的野,結果香港譯名就
冇了,倒搵到一個台譯...「共依全」是也!呢個症簡單d黎講,可以
話係對一樣野沉溺於其中。諗諗下,其實根本個個人都有架啦!只係
程度唔同之嘛!不過睇心理書就係有呢個好玩之處,每睇一陣,你又
會好不其然的諗起身邊的人做例子,幾過癮!
睇到夜晚都收左手,睇埋最後幾集《抵死泰山》,就上下網,誤打誤
撞入左Yahoo!的冷知識搜尋,睇到性知識一欄,講真係幾好笑的,除
左證明好多人性知識好貧乏,但證明更多人係懶到出汁!講真d問題
全部都問完又問,好心自己搵返之前果d黎睇咪得囉!
是日金句:
「你睇書!?唔係掛!?你睇龍虎豹定Penthouse呀?」
( - 肥仔打畀我,知我正在睇書時有呢個反應)
Labels: 吹水唔抹咀
0 had their say | have yours?
Sunday, July 09, 2006
香港足球... /1:08 PM
今日唔知醒,但又要開工,又要去黃大仙講波咁。趕到我做左個喇星
超人(無啦啦想改呢個名,冇解的!)今日途中都發生左d事,包括
響兆康撞到Kitlam啦。不過最抵死的,都係我搭地鐵果陣,有對夫婦
,佢地應該係鬧左交,佢地個表情都相當之有趣,咁我就緊係想捕捉
落黎啦!我竟然畀個女的發現左!大佬,你都淆啦!當然影唔到之餘
,都要扮打電話啦,哈哈哈!
今日講波就勁啦,因為請左李偉文、陳志康同郭裕洪黎,同個賽事既
兩組冠軍踢兩腳咁。踢兩腳之前,我就同三個夾下,佢地有d乜會表
演一下咁!響李偉文同郭裕洪黎之前,阿Cow(陳之花名)早左到,咁
除左同佢夾之外,都同佢吹左兩咀香港波經。佢覺得呢一代既o靚仔
太多野玩,根本就唔會擺好多時間落去踢波果度!以前佢地,一放學
就係去踢波;仲話而家d o靚仔,個個都唔實際玩花式,基本功都未
得又話踢甲組!以前踢得甲組,基本功就係必須的,就算唔出名果班
,都一定好波!而家?睇下香港08就知啦!同埋阿Cow都話,解散體
院令而家既球員,根本就得唔到正統既訓練,咁家下香港又點會有起
色丫!
不過你話踢波就係波牛,講野一定粗聲粗氣,咁又錯喎!(雖然我本
人都係咁)阿Cow畀我既印象,係一個好冷靜師文的球員,佢每講一句
之前,都真係會諗諗先講的!
咁同阿Cow講左一陣之後,雞仔(郭裕洪)同隊長(李偉文,現役愉園隊
長)就黎到了!咁就同佢兩位夾下一陣會表演d乜咁啦!隊長一句就講
:「花式?我唔識架喎!你搵佢啦!(指住雞仔)佢有研究!」雞仔就
口快快:「我!?好耐之前啦!」隊長同我踢同一個位,連專長都係
一樣,第一就係講粗口,第二就係球場上的事:「屌,花式真係唔撚
識喎,剷波踢腳架咋喎我淨係識」咁當然,佢級數好我好多好多啦!
佢畀我印象係一個好風趣好多野講的球員,成日撩另外兩個講笑!而
雞仔,就同相完全唔同,真人黑好多,眼睫毛長到有d誇!響呢三球
員入面,控波最黐腳就係佢!
不過我真係最鍾意隊長,雖然我係憎恨愉園,但我真係好鍾意佢踢法
!粗枝大葉!不過呢班香港頂級球員第一場對住少年組冠軍,竟然輸
左5-8,不過當然班友就緊係玩玩下咁玩下!之後對住青年組,拎佢
地黎出氣!7-1!當然呢場其實係肯定未盡全力的!呢場睇到隊長包
波既功架!嘩!真係好勁!!!出腳果下,真係好快!同埋身位方面
真係好勁,其實佢同我差唔多高之嘛!!厲害厲害!
咁除左佢三位,都仲有和仔,不過佢冇份落場,佢做呢個反賭波推廣
大使!哈,大會搵佢反賭波!?講玩笑了真係!
不過今日做MC,竟然有錯漏!今日終於要響台上用貓紙先完成到,真
係唔掂!不過算啦!都完了!
返黎果陣,去到屯門輕鐵站,見到當年風靡萬千少女、碧咸都讚佢好
波既張羽!我就搭505去市中心方向,佢就響反方向月台!佢今日仍
然好有型!本來有諗過落車印佢相,不過見下一班輕鐵要等4分鐘,
都係搭車算了!!
夜晚,成班友上黎睇波,事關今日係世界杯既決賽。94世界杯,我第
一次完完整整的睇晒成場波,亦係我真真正正愛上足球的一晚!(其
實我話讀幼稚園高班果陣(91年),已經係曼聯fans,只係跟老豆嗌,
同埋會老積的同其他人講,自己鍾意曼聯同足球,但其實極其量只可
以話係留意足球呢樣東西。當然,最後真係鍾意左曼聯同足球。但其
實真真正正愛上足球,絕對係12年前的那晚!) 不過講到世杯決賽同
我同足球間既關係咁密切,其實我上屆就冇睇到,我最憎的巴西,未
睇都知佢贏硬,有乜好睇!!?
開波之前,就鋤下dee,玩下show hand!哈哈,轉個頭就贏左成舊水
,不過大家都係兄弟,冇計呢d既!不過講開又講,鋤dee咁大個仔連
拎兩鋪同花順!旺成咁,你班友抵輸啦!
玩左一輪,就到開波時間啦!法國幫有屎人同童哥,而意大利粉果面
有兩隻龜:龜頭同阿龜!而我同砵仔鴨,都係中立的!講真,邊隊贏
對我黎講都冇所謂,法國贏到,我會戥沙夏、施維斯達兩位曼聯球員
,同埋巴夫斯呢位前曼聯球員高興!而意大利,我又鍾意兩個茅躉王
馬達拉斯同加度素,所以真係冇乜所謂!!
咁當然唔駛講,結果大家都知,法國輸左十二碼,球王施丹畀我偶像
馬達拉斯挑釁成功,一個頭頂埋去馬達拉斯度,咁就Red Card啦!衰
響我偶像手,你都算光榮退役了!哈哈哈!其實講真,一個職業球員
,仲要係球王級的球員,竟然會咁沉唔住氣,絕對係法國輸波原因!
法國,你唔係輸畀人,係輸畀自己!
當賽事完結後,屎人同童哥當然就好失落架啦!但我都有點唏噓,睇
到意大利同法國射十二碼都咁好之際,免不了會諗起自己愛隊英格蘭
就射得過份地差!唉!四年後,我們的加利、碧咸呢條黃金右路會唔
會已經冇得睇呢?不過講冇得睇,可能黎緊都冇得睇奧雲了!點都好
,我係寄望麥卡倫的!所謂新官上任三把火!佢一上任,未搞班球員
就先搞佢地班老婆同女朋友!禁止大賽時候跟出跟入,以免球員唔專
心!講真,我絕對唔Buy禁慾的!唔係因為我咸濕,而係我的確覺得
比賽前有適量既性愛,係會有助發揮的!但講係咁講,我就好同意麥
卡倫的做法,第一真係可以令班球員專心踢波,起碼英國d報紙冇咁
多花邊野煩住班球員;第二呢個下馬威既管治方法,的確會比之前艾
歷臣的一套work!我覺得艾生一路太斯文啦,咁樣管成班大帝係冇人
會show佢的!你發癲人人驚左你,反而仲會聽你講!所以睇到麥卡倫
做呢個舉動,我對英格蘭既前途,係抱樂觀態度的!
睇完都五點了,佢班友都走,我再執埋d手尾就訓了!
p.s.
Eric哥夜晚搵過我,叫我返學校同I like Peer道歉,原來你都幾可
愛的,hohoho!
再p.s.
呢個日記由今日起,響大多數日子,都會「是日金句」一欄,希望可
以再谷一谷呢度既收視!(當然,呢度收視一向唔低的!)
是日金句:
「問黎都多舊魚啦」
( - 當執屎響icq問我,今晚有乜人到,龜頭響我傍邊講)
「隊長都去,必有怪異」
( - 玩Show hand下下唔去既砵兄,竟然跟注,執屎驚訝的講)
Labels: I am who I am, I Kiss Futbol
0 had their say | have yours?
Saturday, July 08, 2006
點會用得晒! /1:07 PM
今日落雨,所以冇波踢。不過其實唔落雨,都踢唔到波啦,因為今日
要開工!又係去黃大仙講波!今日雖然只係講到五點,但都感覺好累
咁,返到屋企又做埋d港男!
頂!點解女人睇男人選美有得睇露兩點,男人睇女人選要隔住成層布
先!?哈,我其實上年都講過了!今年再講!電視制度一日係咁,就
每年都講一次!!哈哈哈哈!
無聊上網,睇到一d資料,基本上你呢世係冇可能用得晒d精的!唔好
再講打飛機有害,都唔好用縱慾過度呢個字眼了!因為係唔會過度的
!
男人一生要射多少次精
男人每次射精的精液量:1-2茶匙。
男人一生平均射精次數:7200次。
男人一生平均自慰射精次數:2000次。
男人一生平均射精份量:(53公升)。
平均射精速度:時速(45公里)VS公車平均速度:時速(40.2公里)。
每茶匙精液的卡路里含量:7 (每罐可樂卡路里含量:150)。
未勃起陰莖平均長度:8.9公分(3.5寸)
勃起後陰莖平均長度:13公分(5.1寸)
人類史上最短陰莖:1.6公分(5/8寸)
人類史上最長陰莖:28公分(11寸)
男人性欲最強的時候/季節:早晨/秋季。
增進性能力最佳方法:戒煙,運動,減肥。
增進性能力最佳食物:全麥,麥芽。
美國坦承有自慰習慣的男性比例:60%
坦承每天自慰至少一次的男性比例:54%
坦承自慰後有罪惡感的男性比例:41%
射精後再次勃起所需時間:2分鐘到2周不等。
男人每日平均勃起次數:11次。
男人每日夜間平均勃起次數:9次。
精子游泳到卵子所需時間:2.5秒
精子的壽命:2.5個月(從生成到射精)
美國男性每年保險套花費:100美元。
一般保險套厚度:0.07公釐。
超薄保險套厚度:0.05公釐VS保鮮膜厚度:0.0127公釐。
保險套比保鮮膜厚度:約6倍。
男人精液的味道與他的飲食有關:鹼性食物(魚類、肉類)會產生乳酪
般的酸臭或魚腥味,乳製品會產生臭味。據說吃過蘆筍之後的精液味
道最臭,酸性食物與酒精(加工烈酒除外)會產生愉悅的甜味。例如:
柳橙,芒果,奇異果,檸檬,葡萄柚,萊姆,喝Corona啤酒加萊姆效
果加倍。
刺激血液流向陰莖的氣味:熏衣草,甘草,巧克力,甜甜圈,番瓜派
(洋人感恩節常吃)。
洗澡時陰莖會縮小。
咁你話,又邊可能用得晒丫!兄弟們,放心啦!
Labels: 吹水唔抹咀
0 had their say | have yours?
Thursday, July 06, 2006
抵死泰山! /1:06 PM
今日都係全情投入抵死泰山之中!全日係用左一個鐘鬥左份三版A4的
司儀稿,仲有同zero傾下我地的廣播劇大計!究竟係講乜架呢?做完
你咪知囉!!
Labels: I am who I am
0 had their say | have yours?