Tuesday, February 06, 2007
馬交兩日遊 /9:21 PM
尋日我女友本身打算過馬交,同佢的同學玩下。點知有人臨時放飛機,當然就即刻去左頂呢個位了!
馬交呢個地方,對我黎講就係賭錢同賭錢的地方!我去了以往去過的葡京,一樣都係輸到仆街,買果瓣,就輸了果瓣!而新葡京卻下星期才開,唯有下次先去了!
之後又去過永利,又去了響「乙水」仔的希臘神話,果度真係不得了!有一d超靚既靚女表演,一個個SM皮裝、高跟鞋、短到冇得再短的熱褲,oh!條女突然撐大個脾!係一條喱士底橫!賭緊21點的我,真係完全的掛住了睇!
好彩冇畀佢分薄了贏錢的能量,足足贏了成千蚊!因為其實一鋪,買中了對子,一賠十一的彩金,真的好和味!!
之後第二日,去左金沙,真係好大好靚!我迷上了「加勒比海啤」,最後都係要輸,但呢個遊戲真係好好玩!
就只係兩日,我賭癮更深了!哈哈!
「再這寂靜的一角,有被遺忘者唱唱著...」
黐線,呢首鐵窗邊緣黎架大佬!
Labels: 我女人, 食.玩.糞
0 had their say | have yours?