Friday, December 15, 2006
!? /9:30 AM
抖下先!(圖片:Jimmyspa.com)
人唔同時間,會有唔同諗法!細個我想做巴士佬,因為我覺得點解個個我的志願都要係醫生、警察、律師!我覺得巴士咁大架好有型!我要做巴士佬!
到中學,覺得做人好難,成日群一班比我大的去Bar,星期六晚準時的見!聽到佢地成日都呢樣煩、果樣煩!煩工作、煩女人、煩屋企、煩錢,乜都話煩!中學時期已經覺得,呢班友做乜咁多野唉聲嘆氣?但你細個,跟人地出去飲野,禮貌上都要附和一下!附下和下,都覺得人生有點灰,現實的事你定必要接受!志願唔再係巴士佬,而變左普通人!
而當我升到中六,呢個諗法又有變,我覺得我要退休!但現實知道,唔可能!於是放自己假,放二年吧!但放左一年多d,真係發覺唔多掂啦!高不成,又知入唔到大學;低又唔想就!於是再浪費時間,又揀讀書!
第一年既大專生活,多姿多采,終於發現,自己以前畀人話係「空得很」的自信,有機會實踐了!我開始嘗試當自己唔係一個普通人,而試下盡量衝的感覺!但我覺得好累,於是都係離開了呢種生活!
有時你會好多野諗,尤其係我呢d諗樣,左諗諗右諗諗!但好多野都諗到冇做,我記得我話要去玩殘酷一叮,信都寄埋了,但原來剛剛截左址!諗過唔讀,但又係乜野時勢?中七出黎,又做d乜呢?做我最憎的salesman? 於是又要諗過!本來屋企都儲都d錢,但屋企響大陸那邊,又出了事,同老豆諗好一大堆做生意的念頭,已經諗要起行了,卻要再等!想?繼續想囉!
經過今年以後,會發覺做人會經常洩氣,但既然踢波的風格都係打甩門牙帶血吞,又要怕咩跌低?有時人想完冇做,都好過想都冇想過?
呢一刻,目標已有,有掣肘但又如何?唔好理結果了,最緊要Enjoy同Passion! 2006仲有半個月就過了!我愛呢年!唔係因為我踢波拎了第一面獎牌;唔係因為唱歌又拎獎;亦唔係因為同呢個女友穩定左!而係覺得心靈富足左!不過仆街的係,我蠢左!
Look Forward 2007,唔會再用上面幅圖!
其實都唔知自己都打乜,亦冇組織過,但我真係突然想講,呢一段話!
Labels: 吹水唔抹咀
0 had their say | have yours?
Monday, December 11, 2006
Version 4! /9:11 AM
|
我諗左面呢幅圖,已經唔係有好多人睇過了,呢個係「The So's-Files」即係「蘇檔案」的Version 1.0。用左鬼異feel黎做網頁的主題,個網叫呢個名,都因為個鬼異格局而有靈感的!不過同X-Files唔係既係,成個網除左個外表之外,一d鬼怪野都冇的!記得蘇檔案的第一個版本,係2002年的6月22日,即係2002年世界杯英格蘭出局的一日!
|
因為好多人投訴話鬼異feel濃的Ver. 1.0太過黑,有點睇壞眼,所以我就響2004年的新年期間,推出左呢個Ver. 2.0!呢個Ver 2.0,雖然用返「The So's-Files」呢個扮「X-Files」 的名,但主題就變晒!由鬼異feel重的主題,變左遊樂場為主題!事實上,我都鍾意呢個多d!內容獲得更新之外,亦加左一part到我而家都仲好鍾意的一part,就是「我的歌」。呢一part就係用流行歌詞做本,再自己寫d小品。當然,有時自己睇返都唔知自己嗡乜春的!而Ver 2.0由05年底到06年年中,由於搵唔到Server放個網,呢段時間都只係有日記係大家睇到的!係一隻跛腳蟹! |
|
|
06年8月,我決定都係執左個網去!用Blog好過!我唔鍾意xanga,因為個個都係xanga,我係唔鍾意!仲有又改唔到post的日期,所以唔用!初初我揀了Yahoo! Blog,但發覺可塑性太低,太多限制,整極都整唔靚,所以轉!於是用Blogspot!其實呢個版面我幾鍾意,有點舒服,又有點浪漫,仲有點咸濕!點會唔鍾意! 至於個中文名,由「蘇檔案」轉為「So 9嗡」(咁都叫中文!?)因為形式都唔同了!以前確確實實的有「File」,家下真係得個「嗡」字!講真,我自己就覺得好貼題! |
到今日,Version 4.0終於出場,我覺得係「蘇檔案」+「So 9 嗡」! 主題就係「檔案」,內容嘛?就齋嗡!又有新歡,又有舊愛!呢個配搭,正!
Labels: 吹水唔抹咀
0 had their say | have yours?
Saturday, December 02, 2006
蝦.Go! /9:18 PM
(圖片:sina.cn) 一年一度的港專籃球比賽,又再黎過!上年的蝦片,今年改頭換面,冇左「熱血籃板王」Wilson,同手腦不協調的高佬,卻換來了更實用的阿Nic、阿乃,都係籃底下幫我手的好拍檔!
其實本身的確好唔想參加,因為知自己脾性,一落場,就唔想想輸!就係呢樣所以唔想參加,首先覺得唔會贏,參黎做乜!第二就係覺得,我真係會好易傷,因為我係打專做「Dirty Job」的人,即係所有要撞要搶的,都有我份!所以我落場係一定會有傷,不過都有分外傷定內傷的!但點都好,都唔想傷,因為唔想搞到之後踢唔到我真係想玩的港專足球賽!
雖然係咁,但落到場始終都收唔到火,好盡力的打了兩場比賽!我覺得自己今日係打得好好的,尤其係第一場!我地將籃底封死晒,可惜人地就係三分隊,籃底係紙造的!但外線就強到不得了!我地隊型係得兩個守外線,人地就棟成四兜友響外面,射到插插聲咁!咁真係冇計!而阿Ben又唔識打,所以個個都強攻佢!我打第二節先出去,果陣已經輸到4-20!而打到最後,我地輸了9分!
而我地呢隻杯分9隊分三組進行分組賽,每組第一名直接入四強,另外再加最佳第二名!而我地另一隊對手比較弱(打波果陣我講左d難聽說話,但我覺得出口術係打波必有的一部份,各為其主,Sorry!!),所以都仲有希望!
A、B組打完晒咁多場之後,A組第二名係+20分,B係0,而我地未打前,就係-9,所以要30分先出得!
但唔知邊條友計,話29分就穩出!而場波既最後2秒,我地贏緊28分,我以為同A組打和,只要多一分就夠的了!而兩場都冇射過波的我竟然響對方籃底執左個波!仲搏到Foul!咁唯有上罰球線射罰球!我同自己講,入一球得架啦!一球夠架啦!一球出線架啦!結果第一球真係入左!而第二球,我就炒左!但波彈返去我果度,我再補射,又炒!呢個時候,亦都完場啦!我仲好開心的跑去攬住阿Nic,但之後傳來的消息,係話差一分!
的確,心情好down,down到返屋企!覺得最後果個罰球入左又好,最後補射入又好,都出左線啦!點解最後都係射唔入?
下年再黎啦!蝦.Go!!
Labels: I Kiss Sports
0 had their say | have yours?