Monday, October 30, 2006
Halloween撞鬼! /11:44 PM
萬聖節又一次唔知醒,見又有一點病,不如去睇睇醫生拎張假紙!但撞鬼的係,我又做了老豆!當然唔係話真係有個仔,而係又多左一隻寵物,而今次係一隻兔仔,我就叫佢做震震吧!叫呢個名唔係因為佢好震,相反係因為佢唔曉震!
當震震返黎之後,骰仔的反應都幾攪笑!又好似有點呷醋,又有點想同震震玩!總之就望到實一實!
Labels: 骰仔B女
0 had their say | have yours?
鋤Dee /4:46 AM
龜頭首度開齋!
第二日放假,有乜好做?鋤dee就成為我、童哥、龜頭、屎人的一大玩樂!今日龜頭終於贏了,佢之前起碼輸左成千蚊畀我地三隻禽獸,今日終於贏了!
鋤dee,係賭的一種,當然好講運氣,但亦有技術可言。就從分析我地幾個結牌、炒牌的數字,就發覺,結牌其實真係唔重要!
先講我地各贏輸幾多。我同屎人分別輸45隻同165隻,而河童同龜頭就分別贏99隻同111隻。講結牌,結得最多的係我,53鋪中,我結左18鋪,平均兩鋪幾我就結一鋪。相對贏錢的童哥(15鋪)、龜頭(12鋪),仲要多!
但點解我會輸呢?因為炒得最多亦係我,我炒左足足5鋪,你炒最少20隻,人地唔炒最多都9隻,炒一炒都最少同人差11隻!其實一來一回,條數都好襟計,我比起炒左2鋪的河童至少多33隻,比未炒過的龜頭,更起碼係55隻!所以唔炒先係保本之計!
所以,下次係唔係都棄牌!(不過我都知我唔會咁做的,哈哈,性格問題!)
Labels: I am who I am
0 had their say | have yours?
Saturday, October 28, 2006
It's gonna be our year! /11:59 PM
We are UNITED!!!
It's gonna be our year! 借用了曼網的slogan黎表達我的情緒!真係好多好多年冇見過曼聯打得咁好了!上星期殺左我最憎的YSB*之後,強勢持續!今日再派四隻蛋畀巨人殺手保頓!一浪接一浪的攻勢,當然仲未可以媲美99年時期的全盛曼聯!但雖不及亦不遠矣!上場打YSB時,為曼聯上陣第500次的史高斯回勇、加上費查、艾華等等的後生又上力了!今年,真係有信心可以的諗下爭返金獅臂章返黎!
* YSB = You Scouse Bastard = 仆街的利物浦人,偏偏我兩個最fd就就係呢d仆街,But anyway,我希望送呢兩幅相畀呢兩位仆街,即係屎人同童哥,哈哈哈!
完美的第500場!
替YSB封棺的一球! Labels: I Kiss Futbol
0 had their say | have yours?
大酒店 /10:19 PM
真係收到!?不過收到都唔用啦!d線亂咁畫!(圖片:Yahoo!)
大酒店者,殯儀館也。今晚我堂細佬個阿公出殯,本來我老豆會出席的,但上年又畀相士批過,佢呢個月有一個劫,唔適宜去醫院同埋大酒店,於是我就代佢去。
主角已經七十五歲,已經係笑喪,或者係咁,場內既氣氛都非常歡樂,包括主角的老婆,據我阿叔講,其實主角臨終前,一直多病痛,佢老婆都唔忍心見到呢d情況,所以都想佢早d去,所以去左唔覺得傷心。而主角的好多老朋友都聚埋一齊有講有笑,或者人老左,大家有自己的事業、屋企,好難得有機會見到,於是一聚埋又可以吹一大堆野出黎。
當然有人歡喜的時候,亦總有人愁。坐我隔離的一個阿伯,我諗都應該係主角的老友黎!佢都喊過一輪,生離死別的事,總有人接受唔到。講真,之前童哥話佢個心有事,我真係喊了出黎!好彩最後都係冇事了。睇到呢個阿伯喊,再加埋諗起自己喊的事,突然又諗起,如果主角係我,大家又係會點樣呢?我地幾個究竟邊個早走d呢?屎人、童哥、龜頭佢地甩晒頂毛,黎坐我呢個堂果陣,係喊又定係笑呢?響我腦中果下有一幅好過癮的圖畫!
之後又撞返我孻叔的第一個印傭,原來嫁了畀場中的其中一個阿伯。真係愛?定係為錢?但阿伯睇落都冇乜錢喎!不過點都有兩餐溫飽掛!講真,有時生活所迫,嫁畀一個唔鍾意的,又有何出奇?記得之前響鄒海灘的blog度講過,人生好多野好無奈,其中一樣可能係愛情。好多人一生中最後一個,好可能又唔係佢一生中最愛;但到畀左一生中最愛,可能又覺得唔岩一齊生活。你而家揀了佢,只係佢係你的最適合!可能係最適合愛你,又可能係最適合養你。
其實我覺得一個人,鍾意佢d錢又好,鍾意佢對你好又好,其實又有乜分別?其實都係你的一個賣點之嘛!點解前者會咁畀人鄙視,而後者就係抵讚呢?呢個問題自己諗!
仲有d紙紮呢,係咁燒,下面d人係咪真係收到呢?收唔收到,其實都好濕滯下!收到的話,下面爆棚;收唔到,我地戇居!不過講真,應該就收唔到的,因為我聽過一個講法,響東漢時,發明造紙術的蔡倫,岩岩發明左紙之後,冇人買佢。於是佢就諗到用紙燒野畀先人,再為賣紙既方法,結果真的大賣!不過呢個都係信不信由你,我自己都係響網上睇返黎!
Labels: 吹水唔抹咀
0 had their say | have yours?
入波!! /12:41 PM
今日終於頂唔順冇得踢波的慘痛!走左我最鍾意上的China Business,而去左踢波!講真,狀態仍然非常的唔好,而且仲整親添!不過終於都有入波!但兩球都係唔符符碌碌的咁入!
第一球係響後場解圍而解入左,第二球就係我頂漏左球一定頂到的波,自己友拎到而傳返畀我入的!講真,呢兩球咁入係冇乜意義!但係真係好耐冇入過波了!翻查紀錄,我上次入波已經係6月8日,對住一班唔識踢波的人入左3球波! 而對住識踢的人既話,就已經要去到5月13了...
收皮傑,希望你過完呢個sem,會突然識踢波啦!
Labels: I Kiss Futbol
0 had their say | have yours?
入波!! /12:41 PM
今日終於頂唔順冇得踢波的慘痛!走左我最鍾意上的China Business,而去左踢波!講真,狀態仍然非常的唔好,而且仲整親添!不過終於都有入波!但兩球都係唔符符碌碌的咁入!
第一球係響後場解圍而解入左,第二球就係我頂漏左球一定頂到的波,自己友拎到而傳返畀我入的!講真,呢兩球咁入係冇乜意義!但係真係好耐冇入過波了!翻查紀錄,我上次入波已經係6月8日,對住一班唔識踢波的人入左3球波! 而對住識踢的人既話,就已經要去到5月13了...
收皮傑,希望你過完呢個sem,會突然識踢波啦!
Labels: I Kiss Futbol
0 had their say | have yours?
Tuesday, October 24, 2006
煮飯仔 /10:26 PM
煮飯煮得多,心形肉餅都係第一次
煮飯一向都係我其中一個嗜好,最多頭幾次煮畀老婆食,佢會好,但當食多幾次,講真又會不外如是。講真,人就係咁的,所以間唔中要畀下d情趣出黎。簡單的心形肉餅,的確令倆口子開心了一整個晚上。雖然熟了之後已經唔太似一個心心了,哈哈哈!
呢一餐,值得留返個紀念!哈哈!
Labels: I am who I am
0 had their say | have yours?
代表作! /8:37 PM
仲唔到我叻返次?
今日去左打馬仔機,真係代表作的一天!手頭上的三隻馬全部都贏到G1!有玩馬仔機的朋友都應該知道,電腦好少可會畀你不停的贏G1比賽,因為電腦會計返個率,唔會畀你贏得太多!但我今日跑左4次G1,贏左3場!其中一隻仲要係頭馬有1000個的友馬紀念添!!我唔用師傅,所以唔駛畀人抽佣,淨袋1000個之餘,仲扑中左條半冷Q,有68.4倍,自己扑左自己6個,於是就收多412個!
其實以前響屯門,都見過人地玩友馬果陣爆冷,有相為證:
上面呢幅係上年既10月22日,頭馬竟然係一隻66倍的冷馬!而下面呢幅,就係之後的一日,結果仲驚人:
頭馬成102倍9!!!如果我冇記錯的話,係出自同一個人!!!
我話代表作,主要黎講,唔係我d馬既戰績咁簡單!而係話我付出同回報既比率,本來,我只係用10蚊換10個代幣返黎玩:
最後......
230個!如果我次次用10蚊都換到230蚊返黎,我諗真係會畀人打的了!
Labels: I am who I am
0 had their say | have yours?
Thursday, October 19, 2006
可憐 /11:52 AM
我係樣衰,但唔駛你可憐! 今日朝早返旺角,鬼死咁精神,所以一路行就一路玩。玩「到及」加冇厘神氣咁,老婆影幅相過我睇,我先知成個李笑好咁!
咁有乜好玩?我就玩人地的尷尬!人人見到我個樣咁怪,就好想望,但我再昭返佢,佢又即時唔敢望,好老尷的樣子!
其實我地有時見到d怪形怪相(或者我唔應該咁講)的人,好奇心之下又想望多兩眼咁,但果個人望返你,你又會怕人地感覺唔好,即刻縮返轉!對住d「到及」的人如是;對住d白蝕的人如是;對住兔唇的人如是;就算對住一d冇病的,但樣怪,例如肥過龍的亦如是!
講真,其實你咁縮一縮,人地仲難堪!你可憐人地唔睇嗎?人地駛鬼你可憐!尊重,其實呢兩個字已經好夠了!
Labels: I am who I am
0 had their say | have yours?
Wednesday, October 18, 2006
相似 /11:15 PM
Zero send黎的!講真,我覺得似邊個唔緊要!但我絕對唔似賴斯 (Condoleezza Rice)!
Labels: I am who I am
0 had their say | have yours?
自來蜂! /10:35 PM
就係你,嚇到我尿都標咁滯!
今日等六點去將軍澳開工之時,響金馬倫道打馬仔機。響我「暢」代幣果陣,呢隻野伏左響我條頸,我用手摵返落黎,我見到係蜜蜂都真係已經嚇一嚇!前面仲有條女同我講:「先生,你跌左野...」個野字都未講完,隻野就8字型咁圈住佢隻腳黎飛!
咁我就繼續打機啦!響第二朝,我返學前打算執袋之前,見到佢條屍響入面!嘩!真係嚇一嚇的!真係頂佢!
之後諗左好耐,係咪有乜啟示呢?
有頭緒既朋友,可以將答案寄黎鳩窿郵箱9001號,信封註明「我冇錢買郵票」,咁就寄唔出架啦!
Labels: I am who I am
0 had their say | have yours?
Thursday, October 12, 2006
曼聯網友誼波! /10:06 PM
踢到真係老虎扯旗(伸撚虎)!
今日曼聯網的一班朋友,約左YK哥的一隊波黎返場友誼波!記得當年
曼聯網足球隊第一場的友誼波,第一場比賽,第一個入波就係我入的了,而對手就係YK哥呢隊!
當年同過YK哥呢隊,炒佢地5:0。但今日嘛,人腳完全唔同,今日在陣而又當年在陣的,只有大
夫同我兩個!而新的呢隊(其實係另一隊黎的,舊一隊只係暫時冇踢)實力的確相差好遠!不過可能就因為咁,我lead住條後防黎踢,成場得我一個不斷咁提場(即係不停嗌同指揮)!我覺得提場呢樣野好重要!最起碼大家會精神d!不過可能今日的人腳好多都唔係踢慣波,反而可能畀到壓力佢地,呢樣我唔知。但係今年成年都踢得唔好的我,今日卻打返起信心!
響十一人場滿場奔跑、不停解圍!我的確覺得球賽大部份時間維持和局,我係一個功臣黎的!不過響前面的把握仍然差!
好似呢一球咁,響圖的右方,我地有個角球,我攝前柱空晒,但個波太低,我用唔到頭頂!格硬用腳黎!...結果就好似上圖黃箭咀指住果個波咁,咁近的高飛左!
不過唔緊要,經過今日之前,我感覺好好,信心返晒黎!快d完呢個sem啦!我要踢波!!!Com'on!
Labels: I Kiss Futbol
0 had their say | have yours?
一日巧遇兩奇景 /4:50 PM
「烏蠅交配!」
「無聊!你咁都好影?」
「挑!你影到咩?」
「童哥,你兄弟喎!咁似既!」
童哥:「
!咁似我既!」
Labels: I am who I am
0 had their say | have yours?
Saturday, October 07, 2006
暫別賽 /9:38 PM
暫別係龍了!因為每逢星期六都要返學,所以今日就係今個sem完之前,(理論上)最後一次響係龍踢波!
依然差...
今年太差...
下年!下年一定返黎!!!
今日畀肥波同杰杰翻舊賬,又叫我做「蘇鳩寶」!成個場都一路踢一路笑,不過呢個係褒的,話我踢法好粗線條,同埋頭鎚好!同英超球星蘇金寶既踢法類似!而笑,就因為蘇金寶呢位球員,唔係一個人,而係一隻會踢波的猩猩......
(圖片:getty images)......!樣唔似樣唔似!
Labels: I Kiss Futbol
0 had their say | have yours?
Friday, October 06, 2006
又一個中秋 /11:58 PM
阿:衰仔!成日掛住賭,一拍兩散啦!抵死!(設計對白)
今年既中秋,又要上堂,不過都忍唔住要走最尾果堂,因為打算早d返去做節!其實早d返去做節只係一個名目,而事實上,係趁各個親戚都響度,鋤下dee、玩下十三張咁!
|
|
|
真係幾鍾意,唔係講笑(圖片:Yahoo!)
|
|
不過老婆又唔准我咁做入去賭住,佢話要我落美麗華果度,陪佢睇個佢本身已經睇中個Miffy的垃圾筒,點知睇睇下又話肚痛喎!咁佢自己就去左廁所,而我自己就去左d店鋪睇下先!
過多陣,老婆就帶多左個袋出黎,原來上次我響anges b專門店睇岩的一個袋,即係右面呢個。講真自己雖有6000蚊一個月,但呢個袋1600蚊有找我都唔捨得買!(我就係一個鍾意Cheap野的人,我鍾意d低能野,一黎講真係冇錢,二黎呢個的確係我Styel,人Cheap嘛!)講真我的確好受呢類的驚喜,其實我咪又係一個普通男人,男人係受呢科架啦!我係晒命,但又如何呢!老婆好又怕咩人知呢!哈哈哈!
買完袋之後,就火速去到馬鞍山,因為要聚賭,玩玩十三張,唔夠一個鐘就贏左成兩舊水咁,之後就好拿拿淋做完飯,又好快咁飛返屋企!因為都係要聚賭啦!所以今年係做左廿年人,第一年
冇玩燈籠同蠟蠋!玩左成晚,得廿蚊贏,而老豆,就贏四十。但第二朝,就大家都冇晒了:
畀骰仔搞掂左...衰仔,你呢餐都幾貴喎!
Labels: I am who I am
0 had their say | have yours?
Thursday, October 05, 2006
開學 /12:27 AM
蕭蕭畫的,本身都覺得幾似,不過畀謙謙加多幾筆就冇咁似! 開左三日學,感覺d野難左,不過d老師都比以前的好!至少到今日,除左China Business的果個未見過、唔知道係咪好野外,感覺都非常好!只係都唔係好訓得夠!因為四個月既暑期令我習慣了五點訓、兩點起的「良好習慣」。
不過講真,呢幾日我都冇偷懶,上堂都留心的聽,亦冇串過阿Sir,希望可以Keep住啦!而今日的英文堂,玩了幾個小遊戲,去認識大家。不過都講真,成班都差唔多係本身識的,唔駛特登去識啦!不過有得玩,又有乜所謂!而今日玩了的,就係畫自己的parter,我同蕭蕭、謙謙一組,於是就有以下的野出現了:
不過最似都係Cherry畫肥仔,你睇,兩兄弟喎!!(設計圖片)
<<第一幅係我畫謙謙的,大家又睇下似唔似第二幅呢位老兄!?似唔似都好,佢表面上係一幅畫,但事實上,佢係一個面具!(當然,唔係個個都戴得落!)
所謂一日之計在於晨,一年之計在於春。響學年的春天,我下了一個好大膽的目標!但唔理了,要做到!
Labels: I am who I am
0 had their say | have yours?
Tuesday, October 03, 2006
創造力? /11:49 PM
陰公豬囉!因住搭過龍呀老友!
呢幅相響夜晚11點半影的。
其實香港的學生,我講係中學生,真係好鬼累的!晨早返學鬼咁早,未訓夠又話要起身;返到學,上堂又悶(我慶幸,我中學的老師大都鬼馬,呢個感覺唔多),放學又要十萬樣功課、又要補習......仲有中學生都畢竟只係青少年,都要有耍樂時間!搞呢樣搞果樣,冇八、九點都返唔到屋企!遇著會考,又要死鋤爛鋤,真係成十一點幾先話返屋企都唔出奇!
係啦,就係溫書的問題!點解要溫咁耐?因為太多野太死板,我唔覺得書本有問題,而係考得太冇創造力!要求千篇一律的答案,稍走偏的個人見解就要抹殺!咁香港既前途會點?可能唔會話有好大問題既,平平穩穩咁囉,但就唔會有新事物出現了!
記得今年暑假,科大破格收錄左一名中五生,成個社會一陣嘩然!最
後會考派彩,最後得12分,已經英文唔合格。朱經武(科大校長)已經話,佢唔會介意陳易希(即係果個入科大的中五生)的合考成績,佢睇中的係陳易希對發明的頭腦!當時好多人取笑呢個12分的發明家,同時質疑科大呢個的決定,包括各大傳媒!
但會考真係咁重要咩?考完又代表乜?社會有太多死板的標準去限定一個人的能力,但呢個只會令社會毫無創造力!
當大家仲質疑緊呢位英文唔合格的大學生時,佢又有新發明了!仲搵到盲既奧運金牌選手(你冇睇錯,佢係響正常人奧運會贏長跑金牌)尹約基試用!到你唔服咩!更到你唔服就係香港傳媒,十月十三日的報紙(呢篇係10月3日的日記,但報導黎自13日)就有如此標題:《
陳易希響鬧杯 失明跑手激讚》!香港人冇創造力?唔係呀!陳易希有,香港傳媒就更有!
Labels: 吹水唔抹咀
0 had their say | have yours?