20年前，即係1986年。果一年有三件世界大事。第一件係烏克蘭的切爾諾貝爾核電廠，發生人類歷史上最大鑊的一次核洩漏；第二件就大家都知，就係我出世；而最後，就係曼聯終於都忍唔住炒左朗艾堅遜，請了費格遜返黎，打造新一個曼聯皇朝！

最後一件事，我相信所有曼聯球迷都會認同，係比核洩漏更重要！雖然老費上台四年先有第一隻獎杯，但之後d杯就好似自己彈黎曼聯的那樣！費Sir今年響曼聯已經20年了，年輕的樣子都變到滿頭白髮！而獎杯亦有冇，儲到家下一年都唔止一隻(平均黎講)！Salute to Fergie!!

11月6日係費Sir在曼聯的20週年，而曼聯網，原來早一日都已經六歲生日。五年半前，當我仍然係一個中三學生，上電腦堂整了一個自以為驚為天人的曼聯網站，正當諗住放上Yahoo!的時候，就見到當時剛剛開的曼聯網！之後即刻就放棄左整自己的網，改為日夜的蹓蹥呢個地方！的確，呢五年半以黎，基本上係冇一日會唔上，除非唔響屋企！

曼聯網，對我黎講，絕對係成長中一個好重要好重要的因素，沒有曼聯網，肯定唔係今日的我。記得最初一個人都未出黎見過，到今日多左幾個好兄弟；最初寫野差到痺的我，因為多得阿傑同阿博畀機會我，場場的寫Preview，文筆得有一個磨練的機會！五年半，轉變真的好大，畀d相做證據吧！