呢排成日落去金馬倫道打馬仔機，仲岩岩贏左顯彰。趁住去睇Jim Sir的Show同放學之間有一段時間空左出黎，於是就同女友，黎左呢一間新開的「一壽司」。

其實都可以話係睇住呢間野開！開左一個星期多d，日日經過都想入去試下，因為我覺得d裝修好正，好有創意！因為有一面牆用黎做魚缸，難得既係養得好好，因為係鹹水魚黎的，鹹水魚優點係比淡水的靚，但又比淡水的貴、比淡水的難養！而另一面牆就係一面大鏡，鏡令到空間感一下子大左好多，加上個魚缸，你的確會覺得自己就好似置身響海入面，無拘無束！

而呢間野，以創作壽司為主。不過都係冇叫到果味叫「初吻」的東西！其實就算食返傳統野已經好好！我係非常非常愛食甜蝦刺身的，而呢間，可算係我咁大個人最好味的一間！真係好鮮好鮮！而其他壽司，都有比元氏兄弟為好的水準！起碼舊飯係人手搓的，唔會太實！另外呢間野好興響d壽司底度加少量的wasabi，真係好少好少！但對我呢d唔食wasabi的人黎講，又有少少味道，係正面的味！

食左好多野，都好正，而唯一要彈的，我諗係個燒玉子，甜到喊！各位如果去食的話，唔係唔叫得，但面afford得起糖尿！

而最最最重要的係，兩兜友食都係270，已經加左一架啦！即係一條友都係135，唔計加一都另係120多d，真係抵玩！一定再去！