一年一度的美式桌球世界杯，又曲終人散。電視播左8日，睇足8日！晚晚都睇到點幾鐘！上年以歷史最年輕之齡，16歲之齡贏左世界冠軍的台北球手吳伽慶，八強出局。但佢冇遺憾，因為佢今年已經靚仔左好多。
至於今屆，作為球迷的我再度失望而回，因為我最愛的Pool player 雷耶斯 (Efren Reyes)響主場球迷歡迎下，又一次大熱倒灶，響32強就出了局(128人參賽)！...另外我最愛的Snooker player 戴維斯(Steve Davis)，呢位6屆Snooker World champion，今屆響pool場上有進步，唔係講佢入到十六強就係話佢有進步，而係開始覺得佢真係適應了pool的打法，唔係只將搬Snooker的打法落pool場上面！


請兩位下年加油，小弟一定會繼續支持！！

係喎，竟然唔記得講今屆冠軍，艾簡奴其實球技唔算話好好，但佢別豎一幟的soft break，即係細細力開波，已經係佢的一大殺著！佢細細的確開波，可以更有效的保證入波，同時更易控制白波的走位！睇黎呢個好有機會成為pool場的新趨勢！而今屆亦由32強開始，響每每被睇淡的情況下贏了比賽！先係1999年世界冠軍、佢自己的偶像雷耶斯；之後就係上屆亞軍，「小魔王」郭柏城；再之後就係上屆冠軍，「泰山神童」吳伽慶；再響四強打贏了中國首席球手李赫文；最後仲清脆的贏了1996年的冠軍蘇基！初初佢贏了我的偶像，的確唔太喜歡佢！不過最後的確心悅誠服了！恭喜！